Crest Oral-B Patient Education Regular Dental Visits

Patient Education

Naisip mo na ba kung bakit inirerekomenda ng American Dental Association at ng inyong dentista na bumalik ka tuwing anim na buwan? Ito ay dahil ang palagiang pagbisita sa nag-aalaga ng ngipin ay mahalaga para sa pangangalaga ng malusog na mga ngipin at gilagid. Sa pagitan ng anim na buwan na mga pagsusuring iyon, mahalagang magsikap ka na panatilihing malinis at malusog ang inyong mga ngipin at gilagid. Kung kinakailangan mo ng karagdagang tulong, maaaring imungkahi ng inyong dentista ang mas madalas na mga pagbisita.

Heto ang itsura ng malulusog na mga ngipin at mga gilagid pagkatapos ito malinis ng nag-aalaga ng ngipin.

Ang plaque at tartaro ay puwedeng mabuo sa loob lamang ng maikling panahon kung hindi kinakasanayan ang mahusay na pangangalaga ng kalusugan ng bibig sa pagitan ng mga pagbisita. Maaari ring magdulot ng mantsa ang pagkain, inumin, at tabako.

may iritasyon na tisyu ng gilagid na sanhi ng tartaro

Kung hindi ito matanggal, ang malalambot na plaque ay maninigas sa mga ngipin (namumuong tartaro) at magkaka-iritasyon ang tisyu ng gilagid.

Ang pagsiyasat sa inyong ngipin mula sa pagkabulok ay isang bahagi ng masusing pagsusuri sa ngipin. Sa pagpatingin ng inyong ngipin sa dentista ( o tagapangalaga ng ngipin) marahil ay tatasahin ang kalusugan ng inyong mga gilagid, suriin ang inyong ulo at leeg (upang tingnan kung mayroon hindi nararapat), suriin ang inyong bibig para sa mga indikasyon ng kanser sa bibig, diyabetes, o kawalan ng bitamina. Huwag magulat kung suriin rin ng dentista ang inyong mukha. kagat, laway, at kilos ng inyong pambabang panga o lower jaw joints (TMJs). Tapos ay lilinisin ng inyong dentista o tagapangalaga ng ngipin ang inyong ngipin at bibigyang halaga ang pananatili ng mahusay na paglinis ng bibig sa bahay sa pagitan ng mga bisita.

Ang Palagiang Pagbisita sa Nag-aalaga ng Ngipin
Sa inyong karaniwang nakatakdang pagpapatingin ng ngipin, inaasahang titingnan ng dentista ang inyong mga gilagid, bibig, dila, at lalamunan.

ANG PAGSUSURI SA ULO AT LEEG

Suriin ang inyong mukha
Suriin ang inyong leeg
Suriin ang inyong mga lymph nodes
Suriin ang inyong babang parte ng panga o lower jaw joints (TMJs)

ANG PAGSUSURI NG NGIPIN SA KLINIKA

Suriin ang mga gilagid
Maghanap para mga palatandaan ng sakit ng gilagid
Suriin para sa umuugang mga ngipin
Tingnan ang mga tisyu sa loob ng inyong bibig
Suriin ang inyong dila
Suriin ang inyong kagat
Maghanap ng nakikitang ebidensya sa pagbubulok ng ngipin
Suriin para sa sirang mga ngipin
Suriin para sa mga sirang pasta
Tingnan ang mga pagbabago sa gilagid na tumataklob sa mga ngipin
Tasahan ang anumang kagamitang pang-ngipin na mayroon ka
Suriin ang pagkalapat sa pagitan ng inyong mga ngipin
Magsawa ng mga eksray

ANG PAGPAPALINIS NG MGA NGIPIN

Suriin ang pagkalinis ng inyong mga ngipin at mga gilagid
Tanggalin ang anumang plaque at tartaro
Pakintabin ang inyong mga ngipin
Mag-floss sa pagitan ng inyong mga ngipin
Irepaso ang inirekomendang mga paraan ng pagsisipilyo at pag-floss

Sa sandaling ang inyong pagsusuri at paglilinis ay naisagawa, sasabihin sa inyo ng inyong dentista ang kalusugan ng inyong mga ngipin at mga gilagid at magbibigay ng anumang karagdagan na mga rekomendasyon. Sa pakikipagkita sa inyong dentista nang palagian at pagsunod sa araw-araw na mahusay na pangangalaga ng kalusugan ng inyong bibig sa bahay, ikaw ay makakaasang mananatiling malusog ang iyong mga ngipin at gilagid.

Para sa malulusog na mga ngipin at mga gilagid, tiyakin na sinusunod mo ang mga bilin ng iyong dentista at ng tagapangalaga ng ngipin At palagiang bumisita sa opisina ng nag-aalaga ng ngipin.

Tandaan, ang pangangalaga ang pinakamahalaga.

Find us on Facebook

Terms and Conditions | P&G Privacy Statement